انا قلت كل فتره كده هجيبلكم حاجه عن الحيياه بعد الجواز عشان افتح عينكم وارائكم كمان تفيدنا كلنا يا بنات وم نخليش حبينا وشريكنا ف الحياه يكون ناقصه حاجه او يفكر حتى انه مش هقولكم يبص لبره لا احنا عاوزينه حتى م يرمش رمشه بره ويحس ان مراته حبيبته ال اختارها متكامله من اقل حاجه لاكبر حاجه
وهقول رايى ف الموضوع ده مش عن تجربه طبعا لانى لسه م اتجوزتش لكن من خلال تفكيرى بالعقل فيها
موضوعى النهارده عباره عن سؤال ::
هو لازم الست تفطر جوزها قبل مايروح الشغل ؟؟
هنلاقى اجابات كتير فيه ال يقولك ملهوش لزمه ماهو كده كده هيفطر ف الشغل وفيه ال تقولك النوم سلطان هو فيه احلى من نوم ساعة الصبح وفيه ال تقولك مش هتفرق معاه وهو م طلبش يبقى خلاص
بس يا جماعه كل الاراء ديه غلط بجد الصح ان البنوته تملى عين جوزها وحبيبها وتخليه يحس انه اسعد راجل ف الدنيا وان مراته ديه مهما كانت مفيش احلى منها
الواحده مجرد انها تصحى معاه و تشوفى عايز ايه و تسلمى عليه و هو نازل ده بيحسسه انك بتحبيه و مهتميه بيه
و خليكى فاكرة انه اصلا صاحى بدرى و نازل علشان يوفرلك اللى انت تعوزيه مش يصحى هو الصبح و يقوم فى البرد او فى الحر و ينزل و حتى ميلقيش منك اهتمام فى الساعه بتاعت الصبح عبال ما يلبس و ينزل
حتى لو مش بيحب يفطر الصبح ع طول لازم تقومى معاه لحد ما ينزل و ابقى نامى بعد كده برحتك الا اذا كنتى تعبانه او فى عند عزر جامد يبقى ساعتها هيعزرك
ممكن يكون مش مبين انه مضايق انك مش بتصحى معاه بس والله ديه حاجات بتفرق مع الراجل من جواه بيحس ان فى حاجه ناقصه عنده
يعنى لو لقى واحد صاحبه فى الشغل مراته بتفطره الصبح هيقول فى سره يا بخته اشمعنى اللى عندى مش بتعمل كده
حتى لو بتشتغلى ممكن تحضرى الفطار و تسبيه له لو بتنزلى قبله
امال احنا لزمتنا ايه ؟؟
..كمان علشان ميقرنش بينك و بين مامته اللى اكيد كانت بتهتم بيه و بتفطره و بتصحى معاه
و الله يا جماعه انا ليه واحد قريبى جوزها كان بيضايق اوى من ان مراته مش بتقوم معاه و كان بيكون مبسوط لما يبات عند مامته لانها بتقوم تفطره
شوفوا اد ايه حاجه صغنونه اهيه بس بتفرق بعد الجواز مع الراجل
هسيبكم بقى مع ارائكم ووجهات نظركم وشور هنستفيد من اراء بعض وان شاء الله كل فتره هجيبلكم موضوع جديد ف المجال ده
Thu Feb 04, 2010 11:57 am by 
Subject: تعالى أقولك تعملى ايه مع جوزك عشان يموت فيكى 
- جميع الحقوق محفوظة 2002
